கைப்பை -4

டைரி:

கடந்த பதிவை படிச்சீங்களா? இல்லைனா கொஞ்சம் இங்க சொடுக்கி படிச்சுடுங்களேன். இல்லன்னா கன்டியுவிட்டி மிஸ் ஆகும் அதனால சொல்லுறேன். என்னது நீங்க ஏற்கனவே படிச்சாச்சா. அப்போ கண்டின்யூ பண்ணுங்க.

     திங்கள் கிழமை அந்த மழையை பார்த்த உற்சாகத்தில் ஒரு கவிதையை பதிவேற்றிவிட்டு, திரும்பிபார்த்தால் வழக்கமாக என் பதிவுகளை நம் நண்பர்கள் கலாய்ப்பார்கள். இந்த முறை செம பல்பாய் அந்த வருணபகவான் கலாய்ச்சுட்டார். அட, ஆமாங்கோ. மழை நின்னுபோச்சு! என்னை மேலும் கலாய்ப்பது போல ஈரோடு கதிர் அண்ணா google பிளஸ் ல மழையா நிறுத்துறதுக்கு தமிழன் ரெண்டு வேலை பண்ணுறான். ஒன்னு கவிதை எழுதுறான் இல்லாட்டி ஸ்கூல்க்கு லீவ் விடுறாங்க என பகிர்ந்து என்னை நூடில்ஸ் ஆக்க, இதோ மூணு நாளாய் மழை பெய்கிறது, நான் ஒரு கவிதை எழுதலையே, நம்ம புதுகை ஆட்சியரும் அந்த ஸ்டேடஸ் சை படிச்சுட்டார் போல அவரால் ஆனா முயற்சியா தீபாவளிக்கு முதல் நாள் , மறுநாள் விடாது மழை பெய்தும் கூட அவரும் பள்ளிகளுக்கு விடுமுறை அறிவிக்கவில்லை.

ஒரு வார்த்தை
       நான் ஏழாவதோ ,எட்டாவதோ படித்துக்கொண்டிருந்த பொழுது சுஜாதா மூலம் தெரிந்துகொண்ட ஒரு வார்த்தை அனாமிகா (பெயரற்றவள்). ரொம்ப அழகான வார்த்தையா அது இருந்தது. இப்போ பதிவுலகம் பழகியபின் கலகக்காரனுக்கு மறுபெயராய் இங்கே அனானி புழங்கப்படுவதை பார்கிறேன்.
இந்த சூழலில் இந்த ரிஷேர் என்னை வெகுவாய் கவர்ந்தது

இதன்மொழிபெயர்ப்பு

 பரிந்துரைக்கபடுபவரை நான் ஏற்பதில்லை

தலைவர்களை நான் அடையாளம் கண்டுகொள்வதில்லை

வல்லமையை நான் பொறுப்பதில்லை

அவர்கள் சட்டங்களை நான் ஆதரிப்பத்தில்லை

அதிகாரங்களை நான் மதிப்பதில்லை

பணம் பற்றி எனக்கு அக்கறையில்லை

அவர்கள் குற்றேவல்களுக்கு நான் அடிபணிவதில்லை

நான் சுதந்திரமானவன்

நான் ஒரு பெயரிலி:))))
(நல்ல பெயர்த்திருக்கேனா?)

அழைப்பிதழ்

பதிவர் சந்திப்பு அன்று அக்கா தென்றல் கீதா தன் ஒரு கோப்பை மனிதம் புத்தகத்தை வெளியிடுறாங்க.

நம்ம கிரேஸ் டியரும் தன் துளிர் விடும் விதைகள் புத்தகத்தை வெளியிடுறார்.

கரந்தைஜெயக்குமார் அண்ணாவும் தனது கரந்தை மாமனிதர்கள் புத்தகத்தை வெளியிடுகிறார்.

அந்த ஸ்டால்ல நிலவன் அண்ணாவின் புத்தகங்களும், பாலாஅண்ணாவின் புத்தகங்கள் கிடைக்கும். சரிதாயணத்தை நூலாக படிக்கப்போகிறேன் என்பது மகிழ்ச்சி.

பென் டிரைவ்

ஹிப் ஹாப் தமிழன் என்றாலே பசங்க "க்ளபுல மப்புல " என தாளம் தட்ட தொடங்கிவிடுகிறார்கள். ஒரு சேன்ஜ் க்கு இதை கேளுங்க. எனக்கு மிக பிடித்த ஒரு ஹிப் ஹாப்.