உங்களால் இது சாத்தியமானது, நன்றி.

        சென்ற வருடம் மே மாதம் புதுகையில் தமிழாசிரியர் வலைபதிவர் பயிற்சி பட்டறை ஒன்று எங்கள் மாவட்ட முதன்மைகல்வி அலுவலர் தலைமையில், நிலவன் அண்ணாவின் ஆலோசனையின் பேரில் நடந்தென்று ஏற்கனவே நான் ஒரு முறை குறிப்பிட்டிருக்கிறேன் அல்லவா? அதில் நிறைய தமிழாசியர்கள் எனக்கும் கஸ்தூரிக்கும் நல்ல நண்பர்கள் என்பதால் நாங்கள் ஆங்கில ஆசிரியர்களாக இருந்த போதும் எங்களுக்கு அதில் கலந்துகொள்ளும் வாய்ப்பு கிடைத்தது. அதில் பலரும் பதிவுலகில் அப்போதே கலக்கிக் கொண்டிருக்க, சும்மா டைரி எழுதுவது போல் எழுதிவந்த எனக்கு அது சிறந்த அனுபவமாக இருந்தது. அப்போ வலையில் என்ன எழுத வேண்டும் எப்படி எழுதவேண்டும் என எங்களுக்கு வகுப்பெடுத்த கரந்தை ஜெயக்குமார் அண்ணா இன்று அவர்  versatile blogger award எனும் விருதை என்னோடு பகிர்ந்து கொண்டுள்ளார். முதல் முறையா கற்றுக்கொடுத்த ஆசிரியரிடம் நல்ல ரேங்க் வாங்கியதை போல ஒரு பீல். நன்றி அண்ணா!(படித்த காலத்தில் அப்படியெல்லாம் ரேங்க் வாங்கியதிலேயே) அவரை பற்றி நான் சொல்லி உங்களுக்கு தெரியவேண்டியதில்லை என்றாலும்  ஒரு சொல். அவரது எல்லா பதிவுகளும் தகவல் களஞ்சியங்களாக இருக்கும். அவரை போல பயனுள்ள ஒரு பதிவு நான் எழுதிவிட்டாலும் போதும்:) என்னைஉற்சாகப்படுத்தி வழிநடத்தும்  கஸ்தூரி, நிறை முதலான எல்லா நட்புநெஞ்சங்களுக்கும் நன்றி! நன்றி! நன்றி!!!

   இதில் சிக்கல் என்னவென்றால், கிடைத்த அவார்டை என் பத்து நண்பர்களுடன் நான் பகிர்ந்துகொள்ளவேண்டும். எவ்ளோ பேர் இருக்காங்க.
நான் சிலரை விடுவதென  முடிவு செய்தேன். ஏனென்றால்
1.நான் குறிப்பிடப்போகும் நண்பர்கள் கண்டிப்பாக நான் விட்ட சிலபேருக்கு எப்படியும் கொடுத்துவிடுவார்கள்(10*10=100) அந்த நூறில் ஒருவராக நான் விடபோகும் என் நண்பர்கள் கண்டிப்பாக இருப்பார்கள்.

2.மேலும் சில நண்பர்களுக்கு தஞ்சையம்பதி அய்யாவும், கரந்தை அண்ணாவுமே கொடுத்துவிட்டார்கள்.(உங்களுக்கு நன்றி)


      இப்போ நான் தேர்வுசெய்திருப்பவர்களுக்கு ஒரு சின்ன செய்தி. உங்களுக்கு விருதுகொடுக்கும் அளவுக்கு நான் பெரிய ஆள் எல்லாம் இல்லை. என்றாலும் முதல் சம்பளம் கிடைத்த உடன் நண்பர்களுக்கு ட்ரீட் தருவதை போல் நினைத்துக் கொள்ள 
வேண்டுகிறேன்:)



1.அன்பு அண்ணா முத்துநிலவன். என் ஆதர்ச ஆசிரியர். தமிழும், சமூகமேம்பாடும் கண்ணென கொள்ளும் இவர் பதிவுகளுக்காக.

2.பன்முக சிந்தனை பதிவுகள், புதிர்கள் என கலக்கும் T.N.முரளிதரன் அண்ணாவிற்கு.

3.ஒவ்வொரு பதிவிலும் என்னை வியக்கவைக்கும் கீதமஞ்சரி அக்காவிற்கு 

4.விஜூ அண்ணாவின் தங்கத்தமிழுக்கு, ஆழ்ந்த ஆய்வுக்கு,செறிந்தகவிதைக்கு.

5.எதையும் மற்றொரு கோணத்தில் சிந்திக்கும், எடுத்த கருத்தில் வலுவாய் நிற்கும் நண்பர் வருணுக்கு 

6.துள்ளல் நடையில்,(பூரிக்கட்டை) அரசியல் அங்கதத்தில் அதிரடிக்கும் நண்பர் மதுரைதமிழனுக்கு

7.சொல்லும் செயலும் ஒன்றே எனும் கூர்சொல் ஜோதிஜி அண்ணாவிற்கு 

8.துறைதோறும் தேர்ந்து கலக்கும் அன்பு  தில்லையகம் சகாஸ் தில்லைஅண்ணா, தோழி கீதாவிற்கு 

9.புத்தகம், சினிமா, சிந்தனை, நகைசுவை என எல்லா பீல்டிலும் நின்று சிக்சர் அடிக்கும் பாலா அண்ணா விற்கு

10.நகைச்சுவை பாஸ், தமிழ் மனம் மாஸ் ஜோக்காளி பகவான்ஜி அவர்களுக்கு