இதுக்கு என்ன தலைப்பு கொடுக்கிறது?????

              

அப்படியே இந்த வார்த்தையையும் கத்துகோங்க:)

       எங்க ஊர்ல வைகாசித் திருவிழா வரும். அப்போ கடைசி மூணுநாள் ஏரியாவே களைகட்டும். தாத்தா பூசாரி இல்லை, ஆனா அவர் தான் எங்கள் முனியப்பன் கோயிலில் ஆடு வெட்டுவார் (so என் பேரை பார்த்து நான் பிராமின் என நினைத்தவர்கள் இப்போ புரிஞ்சுக்கங்க நான் non-Brahmin:) அதில் பால் குடம் எடுக்கும் நாளில் நடக்க முடியாத பெரியவர்களை தவிர சாதி மத பேதம் இல்லாம ஊரே காமராஜர் சிலையில் இருந்து ரெங்கவிலாஸ் வரை உள்ள சாலையில் தான் இருக்கும்.

                    

             மணப்பாறையில் மட்டும் இல்லாம அதை சுற்றி உள்ள பல கிராம மக்கள் அங்கே கூடி இருப்பார்கள். அதை லைவ் ரெகார்ட் செய்து உள்ளூர்  சேனல்கள் (அந்த ஊருக்கு நாலு ப்பா) இரண்டு நாட்களுக்கு ஒளிபரப்பும். குட்டிபசங்க வேலைமெனக்கெட்டு அதை பார்த்துக்கொண்டே இருந்து அக்கா, அண்ணி இங்க வாங்க நம்ம அண்ணனை பாருங்க, அட உங்களை பாருங்க என சவுண்ட் கொடுத்தபடி இருப்பார்கள். நம் ஊர் பெரியவர்களில் சில சித்தப்பாக்கள் அரட்டி உருட்டி அவர்களை சற்று அதிக நேரம் படம் எடுக்கச்சொல்ல நம்ம அண்ணன்கள் அலும்பு இருக்கே ........ அப்பப்பா ..... எப்படி கரக்ட் பண்ணுமோ, சில சுடிதார்களை மட்டும் சற்று அதிக நேரம் விடியோ கவர்செய்யும். (சரி இப்போ என்ன சொல்லவர?? ஓகே டென்சன் ஆகாதீங்க. மேட்டருக்கு வரேன்)

                   ஒரு ரெண்டு நாளா நம்ம வலை சனங்க எல்லாம் விடியோவில நம்ம கவர் ஆகிருக்கோமா னு குட்டி புள்ளைகா ரெண்டுநாள் டி.வி பார்க்கிற மாதிரி அந்த பக்கத்திலே போய் பார்த்துவிட்டு வந்து, அட ஆமா என்னுதும் அதில இருக்கு, உன்னுதும் இருக்கு என கீ போர்ட் மேல விரலை வைச்சு அங்கலாய்ப்பதை காணமுடிகிறது. ஏ! மைதிலி இங்க வந்துபாரு நீயும் இதில இருக்கனுன்னு நம்ம இளங்கோ அண்ணா தான் சொன்னார். அவர் முழு மேட்டரையும் சொல்லுவதற்கு முன்னால் (பின்னூட்டம் வழியாகத்தான்) இப்படி தொடங்கி இருந்தார் "இது திருட்டா" கோவை கவி இலங்கா திலகம் பதிவை பாருங்க என கொஞ்சம் இங்கிலிஷில் பின்னூட்டத்தில் பதிவிட "அய்யோயோ! ஒருவேளை தோழியும் இதுபோல பதிவு போட்டிருப்பாங்களோ?? என நான் கன்பீஸ் ஆகிட்டேன். 

          அதே மாதிரி ஒரு பதிவை கீதா அக்காவும் வெளியிட அப்புறம் நல்ல விம் லிக்விட் போட்டு விளக்கியது போல் விஷயம் தெளிவா தெரிஞ்சது. நானும் அங்க போய் பார்த்தேன். வகை தொகை இல்லாம நம்ம கீதாக்கா, பாண்டியன் சகோ, அட! வெங்கட் அண்ணாவின் பதிவு கூட இருக்குங்க. ஆனா கீழ வேற ஒருத்தர் பெயர்!!!!! ஓடாத படத்தையே அது ஏன் ஊடலைன்னு பார்க்கிற நாம ரெண்டு நாளா இந்த ஓட்டம் ஓட்டுற ஒரு புகழ் மிகுந்த ப்லாக் கை மேம்போக்கா விட்டுட முடியுமா? சும்மா சொல்லகூடாது போட்டோ ல்லாம் போட்டிருக்கார்(அவர்க்கு ரொம்ப தைரியம் தான்-இது விஜூ அண்ணா கொடுத்த சர்டிபிகேட்). சைட்ல லேபிள் எல்லாம் போட்டு பக்காவா இருந்தது blog. அதில் ஆசிரியருக்கு, பெற்றோருக்கு என இருந்ததை பார்த்து ஆசை தொத்திக்கொண்டது. நாமளும் தான் கல்வி தொடர்பா நிறையா எழுதிருக்கோம். இதில ஏதாவது நம்மளோடது செலெக்ட் ஆகிருக்கானு பார்த்தேன். ஹ்ம்ம் ஒன்னு கூட தேர்வாகவில்லை:((((( என் கவிதை மட்டும் தான் இருந்தது:((இது போல நம்ம கவிதைகளை எத்தன பேர் புத்தகமாவே வெளியிட்டிருக்காங்களோ எனும் கிரேஸ் டியரின் ஆதங்கத்திலும் அர்த்தம் இல்லாமல் இல்லை. அந்த நண்பருக்கு கீதமஞ்சரி அக்காவின் இந்த கவிதையை டெடிகேட் செய்கிறேன். ஏதோ நண்பர்க்கு  நம்மள முடிஞ்சா உதவி.....என்ன நான் சொல்லறது?