மகிழ்நிறை : வெற்றுத்தாள் புன்னகை

செவ்வாய், 14 அக்டோபர், 2014

வெற்றுத்தாள் புன்னகை

உனக்கான கவிதைகளில்

ஒரு பந்தயக்குதிரையாகவும்

உன்னோடான தருணங்களில்

நொண்டிக்குதிரையாகவும் என் சொற்கள்

ஒரு புன்னகை தெளிக்கிறாய்

நமத்துப்போய்விடுகின்றன

நகரத்தின் எல்லா பரபரப்புகள்

இத்தனை முன் தயாரிப்புகளும்
குறிப்புகளுமாய் கிளம்பியும்

சோதிடக்கிளி போல்

நான் சொல்லெடுக்கத் தடுமாற

இமை தட்டிப் புன்னகைக்கிறாய்

வெறும் கைத்தட்டலுக்கே சிலிர்த்துக்கொள்ளும்

என் சொற்கள் ஏனோ

வெடவெடத்து ஒண்டிக்கொள்கின்றன

தடுமாறும் குழந்தைக்கு

விரல் நீட்டும் தாயின் பரிவோடு

புருவம் உயர்த்தி என்னவென்பாய்

சொற்களை எல்லாம் கசக்கிப்போட்டுவிட்டு
வெற்றுத்தாளாய் ஒரு புன்னகை நீட்டுகிறேன்!!

39 கருத்துகள்:

Tamizhmuhil Prakasam14 அக்டோபர், 2014 அன்று 7:17 AM
"உனக்கான கவிதைகளில்
ஒரு பந்தயக்குதிரையாகவும்
உன்னோடான தருணங்களில்
நொண்டிக்குதிரையாகவும் என் சொற்கள் "

ஆஹா ! அற்புதம் ! மிகவும் இரசித்தேன்.

பகிர்வுக்கு நன்றி தோழி.
பதிலளிநீக்கு
பதில்கள்
கரந்தை ஜெயக்குமார்14 அக்டோபர், 2014 அன்று 7:28 AM
அருமை சகோதரியாரே
பதிலளிநீக்கு
பதில்கள்
Avargal Unmaigal14 அக்டோபர், 2014 அன்று 8:20 AM
தங்கமங்கை உங்கள் கவிதை மிக அருமையாக இருக்கிறது
பதிலளிநீக்கு
பதில்கள்
பெயரில்லா14 அக்டோபர், 2014 அன்று 9:36 AM
உங்களுடைய ’வெற்றுத்தாளில்’ நிறைய இருப்பதாகத் தெரிகிறது!
அந்த இடத்தில் ‘நமுத்துப்போய்விடுகின்றன/ நகரத்தின் எல்லா பரபரப்புகளும்’
என்றிருக்கவேண்டும் என்று தோன்றுகிறது
பொதுவாக நல்ல கவிதை;வாழ்த்துகள். மேலும் எழுதுக.

-ஏகாந்தன்
பதிலளிநீக்கு
பதில்கள்
J.Jeyaseelan14 அக்டோபர், 2014 அன்று 10:41 AM
செம சகோ, அதுலயும் அந்த கடைசி பாரா சான்ஸே இல்ல.. கலக்குங்க..
பதிலளிநீக்கு
பதில்கள்
UmayalGayathri14 அக்டோபர், 2014 அன்று 1:50 PM
வெற்றுத்தாள் புன்னகை கவிதையாய் புன்னகை பூக்கிறது.
அருமை சகோதரி
பதிலளிநீக்கு
பதில்கள்
இளமதி14 அக்டோபர், 2014 அன்று 1:56 PM
வெற்றுத்தா ளில்வரைந்த விந்தைக் கவி!உன்றன்
சொற்தேனிற் குண்டோஓர் ஒப்பு!

என்னவொரு கற்பனை! சொல்வளம்!
திகைத்து நிற்கின்றேன்! மிகச் சிறப்பு!

வாழ்த்துக்கள் தோழி!
பதிலளிநீக்கு
பதில்கள்
ஊமைக்கனவுகள்14 அக்டோபர், 2014 அன்று 4:56 PM
சொற்களைக் கசக்கிப்போட்ட
வெற்றுத்தாள் புன்னகையில்
பிறந்த கவிதை
பந்தையக் குதிரையாய்ப் பாய்ந்தோட
பின்னுட்டம் என்ன எழுத
என்
விசைப்பலகையைத் தட்டிக்கொண்டிருப்பதென்னவோ
அந்த நொண்டிக்குதிரைகள் தான்!
நானெல்லாம் இன்னும் வெகுதூரம் வர வேண்டும் என்பதுமட்டும் தெரிகிறது!
வாழ்த்துகள்!
பதிலளிநீக்கு
பதில்கள்
Thulasidharan V Thillaiakathu14 அக்டோபர், 2014 அன்று 6:02 PM
என்னப்பா இது!!!? வெற்றுத்தாள் அதிகம் பேசுகின்றாதே! அதுவும் அந்த முதல் நான்கு வரிகளும், இறுதி வரிகளுமாய்......
பதிலளிநீக்கு
பதில்கள்
வருண்14 அக்டோபர், 2014 அன்று 10:03 PM
நல்லாப் படித்துவிட்டு, கவிதை நல்லா புரிந்தவுடன் பின்னூட்டமிடுகிறேன், மைதிலி :)
பதிலளிநீக்கு
பதில்கள்
வெங்கட் நாகராஜ்15 அக்டோபர், 2014 அன்று 5:46 AM
அருமையான கவிதை. பாராட்டுகள் மைதிலி.
பதிலளிநீக்கு
பதில்கள்
வருண்15 அக்டோபர், 2014 அன்று 7:09 AM
இமைதட்டி புன்னகைக்கிறான்

புருவம் உயர்த்தி என்னவென்கிறான்

இதுக்கே சொற்களை எல்லாம் கசக்கி எறிந்துவிட்டு வெற்றுத்தாள் புன்னகையா?

Girls go crazy when they are in love, I guess! :-)
பதிலளிநீக்கு
பதில்கள்
தேன்மதுரத்தமிழ் கிரேஸ்15 அக்டோபர், 2014 அன்று 8:21 AM
//உன்னோடான தருணங்களில்
நொண்டிக்குதிரையாகவும்//

//நான் சொல்லெடுக்கத் தடுமாற
இமை தட்டிப் புன்னகைக்கிறாய்//

//புருவம் உயர்த்தி என்னவென்பாய்
சொற்களை எல்லாம் கசக்கிப்போட்டுவிட்டு
வெற்றுத்தாளாய் ஒரு புன்னகை நீட்டுகிறேன்!!//

அழகாச் சொல்லிட்டீங்களே..காட்சி கண்முன் விரிய ரசித்தேன்...அருமையோ அருமை டியர்
இதைப் படித்த பின்னும் நான் எழுதவேண்டுமா என்று எண்ணவைக்கிறது .. :)
வாழ்த்துக்கள் டியர்!
பதிலளிநீக்கு
பதில்கள்
Unknown15 அக்டோபர், 2014 அன்று 4:18 PM
சோதிடக்கிளி இப்படி வெற்றுத் தாளை எடுத்து கொடுக்கலாமா )
த ம 8
பதிலளிநீக்கு
பதில்கள்
மணவை15 அக்டோபர், 2014 அன்று 7:09 PM
அன்புச்சகோதரி,

வெற்றுத்தாள் புன்னகையென்று
உற்றுப்பார்த்தால் ...
“புன்னகை பூக்கும் பூனைகள்“
‘சிற்பி’யாய்...
சோதிடக்கிளி போல
சற்றுமுற்றும் பார்ப்பது புரிகிறது...!
தடுமாறும் குழந்தைக்கு...
தாயின் பரிவு புரிகிறது...!

அருமை.
-மாறாத அன்புடன்,
மணவை ஜேம்ஸ்.

பதிலளிநீக்கு
பதில்கள்
anitha shiva15 அக்டோபர், 2014 அன்று 7:20 PM
இந்த வெற்றுத்தாள் சொல்லாமல் சொன்னது பல அர்த்தம்.
மிக அருமையான கவிதை...!வாழ்த்துக்கள் தோழி.
பதிலளிநீக்கு
பதில்கள்
நா.முத்துநிலவன், புதுக்கோட்டை19 அக்டோபர், 2014 அன்று 3:57 PM
கவிதையின் முதல் பத்தியே படிப்பவரைக் கவர்ந்து அடுத்த பத்திக்குப் போகுமுன் அசைபோட வைக்கவேண்டும் என்பது என் கருத்து. உன் கவிதை அந்தவகையில் “நச்“னு வந்திருக்கு டா!
(நான் முதலில் சொல்லிவிட்டால் அண்ணன் இப்படித்தான் புகழ்வான் என்னும் பழி வந்துடக் கூடாதேனுதான் முன்பே படித்துவிட்டாலும் உடனே எழுத மனமின்றி இப்போது எழுதுகிறேன். கடைசி வரியில் மொத்தக் கவிதையின் சுருக்கத்தையும் “அணுவைத் துளைத்து ஏழ்கடலைப் புகட்டியதுபோல்” அமைத்தது அருமை பா! வெற்றுத்தாள் ஏகப்பட்ட செய்திகளுடன் இருக்கிறதே! “வெள்ளைக் காகிதம் / என் விலாசமிட்டு வந்தபோது / ஒன்றும் புரியாமல் நான் / ஒருமுத்தம் பதிக்கையிலே/ உப்புக்கரித்த சுவை / உன் எண்ணத்தைச் சொன்னதடி“ என்னும் -எழுதியவர் பெயர் தெரியாத ஒரு கவிதை என்னை வெகுநாளாய்த் துரத்துகிறது. இப்போது இந்த வெற்றுத்தாள்.. ஆனாலும் தலைப்பு, கவிதையளவுக்கு இல்லை்யோ என்று ஒரு சந்தேகம்... மொத்த்த்தில் கவிதை ஜெயிச்சுடுச்சுப்பா... தொடர்க.
பதிலளிநீக்கு
பதில்கள்
மகிழ்நிறை19 அக்டோபர், 2014 அன்று 6:55 PM
மிக்க நன்றி அண்ணா! எனது புதிய கவிதைஉப்புமாவை பற்றி நீங்கள் ஏதேனும் சொல்லுவீர்கள் என காத்திருக்கிறேன் அண்ணா! உப்புமா ஆறிப்போவதற்குள் சுவைத்து பதம் சொன்னால் மகிழ்வேன் அண்ணா! நிறைய பேருக்கு புரிந்ததானே தெரியல:((
பதிலளிநீக்கு
பதில்கள்