கைப்பை - 6

டைரி;
        இந்த முறை டைரியில் ஒரு டைரி மேட்டரே தான் சொல்லப்போறேன்.

   மகி ஒருநாள் கூட அவள் டைரியில் வீட்டுப்பாடங்களை குறித்துவருவதே இல்லை.நானும் சாம, தான, பேத, தண்டம் என எல்லா வழிகளிலும் எடுத்துரைத்த பின்னும் இது தொடரவே செய்தது. அன்று மாலை கிச்சனில் இருந்த என்னிடம், நிறை தன் ஹோம் ஒர்க் காண்பித்து என் கையொப்பம் பெற்றபின், நான் மகியின் டைரியை எடுத்துவருமாறு சொன்னேன். அவள் மகிடம் கேட்கிறாள் "மகி எங்க உன் டைரி?"

மகி பம்மிய குரலில் "நான் எழுதிட்டுவரலை க்கா"

நிறை "அம்மா எத்தனை தடவை உன்கிட்ட சொல்லிருக்காங்க, ஏன் இப்படி பண்ணுற?"

மகி " இல்லடி, உனக்கு தெரியாதா, நம்ம ஹோம் ஒர்க் எல்லாத்தையும் ஸ்கூல்ல இருந்து நம்ம அம்மாவுக்கு மெஸ்சேஜ் அமிசிருவாங்கடி!!" (அனுப்பிடுவாங்கன்னு சொல்லதெரியல, அதுக்குள்ள எம்புட்டு வெவரம் பாருங்க!!) 

pen drive

      நம்ம ஆளுங்க கிட்ட ஒரு பழக்கம் இருக்கு. பக்தியா இருந்தாலும், பாசமா இருந்தாலும் அதுக்குனே ஒரு சீசன் வச்சுக்குவாங்க. மார்கழி வந்த பழனி முருகன் மீதும், கார்த்திகையில் ஐயப்பன் மீதும், தை பிறந்தால் அக்கா தங்கைகளுக்கு பொங்கல் சீர் எடுக்கும் போது உடன்பிறப்புக்கள் மீதும், ஆடி அம்மாவசை என்றால் செத்துப்போன தாத்தாபாட்டி மீதும் பாசம் பொங்கி வழியும். சீசன் முடிந்தவுடன் பாரப்பட்சமே இல்லாம அம்புட்டு பேரையும் பரணுக்கு அனுப்பிவிடுவார்கள். இந்த வைரல் எப்பெக்ட் எல்லாம் நம்ம ஆளுங்க அப்பவே அப்புடி. இப்போ கலாம், மதுவிலக்கும் அப்படி ஆகாமல் இருந்தால் சரி. இந்த படத்தை பாருங்க.

play list:

இப்போ என் playlist ல இந்த பாட்டு தான் ரிபீட் மோடு ல இருக்கு. ஜீவன் சகா பரபரப்பா வலைப்பூவில் இயங்கிக்கிட்டு இருந்தா இந்த பாட்டை இந்நேரம் ஷேர் பண்ணிருப்பார். ட்யூன் ஏற்கனவே கேட்டதுபோல இருந்தாலும், விஜய் குரலும், ஸ்ருதி கமலின் குரலும் பாட்டுக்கு இன்னும் எனெர்ஜி கொடுத்திருக்கு. குரலிலேயே அவ்ளோ துள்ளல்!! கேட்டுப்பாருங்க:)