கைப்பை-ii

 ஒரு நிகழ்வு
         சுதந்திர தினத்திற்காக மாணவர்களுக்கு பாரத சமுதாயம் என்கிற பாரதியார் பாடலை பயிற்சி கொடுத்துக்கொண்டிருந்தேன்.
   இனி ஒரு விதி செய்வோம்
   அதை எந்தநாளும் காப்போம்
   தனியொருவனுக்கு உணவில்லை எனில்
   சகத்தினை அழித்திடுவோம்
என அவர்களது குரல் உச்சம் தொட்டபோது சிலிர்த்துப்போனது!! இவங்க செஞ்சாலும் செஞ்சுவாங்க:)



ஸ்மைலி
      தோழியின் தோட்டத்தில் பறித்த மாங்காய்களை அரிசி போடும் கண்டைனரில் பழுக்க போட்டிருந்தேன். காலையில் அரிசி எடுக்க அதனை திறந்த போது உள்ளே ஒரு சிவப்பு ஆப்பிளும் கண்சிமிட்டிகொண்டிருந்தது. மகியின் வேலை.

கண்டுபுடுச்சுட்டேன்
    அது ஏன் ப்ரபோஸ் பண்ணும் போது டைமண்ட் ரிங் கொடுக்கிறாங்க? ஏன் என்றால் கிட்டத்தட்ட எல்லா நவரத்தின கற்களிலும் ஒன்றுக்கும் மேற்பட்ட மூலக்கூறுகள் இருக்கும். வைரத்தில் ஒரே மூலக்கூறு தான் (கார்பன்). புரிஞ்சதா?

நிலைத்தகவல்
      தவறவிட்ட பின் தான் அதன் சிறப்பு இரு மடங்காய் தெரிகிறது# தத்துவம்லாம் இல்லை பாஸ் ஜஸ்ட் புடவை செலெக்சன்

 டீ டைம்
   இஞ்சி டீ யும் பிரிட்டானியா ரஸ்க் கும் என்ன காம்பினேஷன்!! ரசித்து தேநீர் அருந்தும் ஒவ்வொரு நொடியும் தியானம் என்கிறது ஒரு ஜென் தத்துவம். so இப்போ தினமும் தியானிக்கிறேன்!!

ஒடோமாஸ்
  காலை இடைவேளையில் ஒரு மாணவி  கொடுக்காபுளி சாப்பிட்டுக் கொண்டிருந்தாள்.  என்னை அறியாமல் நான் புன்னகை செய்ய, என்ன மிஸ் விஷயம் என்று பாடாய் படுத்திவிட்டாள். விஷயம் இது தான். கொடுக்காபுளி விதையில் பளுப்புத்தோல் கிழியாமல் கறுப்பு நிறைத்தை மட்டும் அகற்றி விட்டு தலையணைக்கு கீழ்வைத்துக்கொண்டால் ஆசைப்பட்ட எல்லாம் கிடைக்கும் என்று என் பள்ளி நாட்களில் நானும் என் நட்புகளும்  நம்பினோம் என்றேன். நடந்தா மிஸ்? என்றாள்.
    உறிக்கவே நாலஞ்சு நாள் ஆகிடும். பின் ஏழுநாள் முடிவதற்குள் விடுமுறை முடிந்து விடுதிக்கு திரும்பிவிடுவேன் என்றேன். இப்போ நினைச்ச சிரிப்பா வருது என்றேன்.மதிய இடைவேளையில் அதே வகுப்பின் மூன்று மாணவிகள் மும்மரமாய் தோல் உரித்துக்கொண்டிருந்தார்கள். அவர்கள் நினைத்ததும் நடக்கட்டும்:))

பென் டிரைவ்

  ஹரிஹரனின் குரல் ரோலர் கோஸ்டர் போல் ஏறி இறங்குவதை கேட்பதே அலாதி. அதிலும் இந்த பாடலில் வரிகள் வேறு வண்ணமாய் அப்பிக்கொள்கின்றன மனதில்.


இனிய சுதந்திர தின வாழ்த்துகள் நட்பூஸ் !!!