நாசாவிலுமா தூங்குமூஞ்சி ஆபிசர் !!

    

  ஒரு ஆண்டுக்கு முன் ரிப்போர்டரில் தூங்கி கொண்டே நாசாவில் சம்பளம் வாங்க ஆசையா?? என்றொரு தலைப்பில் ஒரு துணுக்கு ஒன்று படித்தேன். நம்ம ஊர்ஆபிஸ் ஜோக் கள் எல்லாம் நினைவுக்கு வந்தன.

     துணுக்கு இப்படி இருந்தது. அந்த செய்தியை பார்த்துவிட்டு ஆசை ஆசையாய் நாசாவிற்கு போனவர்கள் எல்லாம் ஜீன்ஸ் சை காணோம் ஜெர்கினை காணோம்னு விழுந்தடித்து எஸ் ஆகிவிட்டார்களாம். பின்ன விண்வெளி தட்ப வெப்பத்தில் கொஞ்சமும் புவி ஈர்ப்பு விசை இல்லாமல் மிதந்தபடி தூங்க வேண்டும் என்பது தானே கண்டிசன். மனிதனின் தசைகள் மற்றும் எழும்பு அந்த சூழலில் எப்படி செயல்படும் என உற்றுநோக்கத்தான் இந்த ஆய்வு! படித்து முடித்தவுடன் சிரித்துவிட்டு மறந்து விட்டேன்.

Andrew Iwanicki

   சற்றேறக்குறைய ஒரு வருடம் ஓடி விட்டபின் எதேட்சையாக போன வாரம்  தமிழ் ஹிந்து படித்துக்கொண்டு இருந்தேன். அப்போ தான் தெரிந்தது நாசாவின்  அந்த தூண்டிலில் சிக்கியது ஆண்ட்ரு இவானிக்கி என்பவர் தானாம். எழுபது நாட்கள் படுத்தபடி இருப்பதற்கு பதினோரு லட்சம் சம்பளமாம். விண்வெளியில் சூழலில்  இப்படி படுத்திருக்க  ஐந்து நாட்கள் தலைவலி முதலான பல கஷ்டத்திற்கு பின் இப்போ அந்த சூழலுக்கு ஆண்ட்ரு இவனிச்கியின்  உடல் பழகிவிட்டதாம். தண்ணீர் மட்டும் குடிக்கமுடியவில்லை. புத்தகம் படித்தும், டி.வி பார்த்தும் என பொழுதைப் போக்குகிறாராம். பொதுவா இது போல பதிவுகள் எல்லாம் நம்ம தில்லையகம் சகாஸ் தான் எழுதுவாங்க. ஏனோ என்னை எழுதவைத்துவிட்டார் இந்த இவானிக்கி.